Asbob-uskunalar va himoya vositalari Sog'liqni saqlash vazirligi va Sanitariya-epidemiologik osoyishtalik va jamoat salomatligi xizmatiga taqdim qilindi.

Jahon sog'liqni saqlash tashkilotining (JSST) Evropa mintaqaviy byurosi Birdamlik va «COVID-19»ga javob berish global jamg'armasi orqali JSST Bosh qarorgohi tomonidan xarid qilingan, umumiy qiymati 300 ming AQSH dollariga teng insonparvarlik yukining navbatdagi partiyasini, JSSTning O'zbekistondagi vakolatxonasi ko'magida, O'zbekiston Respublikasiga etkazib berdi. Bu safar Istanbul reysi orqali 500 ta kislorod kontsentratorlari etkazib berildi. Haftaning oxirida laboratoriya ishlari uchun zarur bo'lgan sarflanadigan materiallardan iborat yana bir yuk kelishi kutilmoqda.

- Pandemiyaning boshidan JSST vakolatxonasi BMT hamkor agentliklari bilan birgalikda Sog'liqni saqlash vazirligi va Sanitariya-epidemiologik osoyishtalik va jamoat salomatligi xizmati bilan yaqindan ishlab kelmoqda. Kerakli asbob-uskuna va himoya vositalarini etkazib berish – bu mamlakatga ko'rsatilayotgan ko'makning bir qismidir. Bulardan tashkari, JSST shifokorlar, hamshiralar, boshqa tibbiy xodimlar malakasini oshirishga, laboratoriya xodimlarini o'qitishga, xalqaro tajribadan foydalangan holda davolash protokollarini tuzishda ko'maklashishga, koronavirus infektsiyasi to'g'risidagi doimiy ravishda yangilanib borayotgan xalqaro axborotni erkin olish imkoniyatini ta'minlashga katta e'tibor qaratmoqda, - deb tushuntirdi doktor Lian Kuppens, JSSTning O'zbekiston Respublikasidagi vakili.

Jahon sog'liqni saqlash tashkiloti Toshkentga insonparvarlik yuklarini jo'natishni muntazam ravishda amalga oshiryapti. Masalan, iyulda mamlakatga umumiy qiymati 4 million AQSH dollaridan yuqori bo'lgan yuklar etkazib berildi. O'z ichiga yuz uchun 619 400 ta himoya qalqonchasi va 2 176 000 dona jarrohlik niqobini olgan birinchi partiya 8 iyulda etib keldi. 17 iyulda tibbiy xodimlar uchun quyidagi shaxsiy himoya vositalari qabul qilindi: 95 200 dona himoya ko'zoynaklari, 178 000 dona himoya kombinezonlari, 12 000 dona jarrohlik niqoblari va 1 064 000 dona KN95 respirator niqoblari. 24 iyulda poytaxtga 38 400 doma test-tizimlari va boshqa laboratoriya asbob-uskunalari etkazib berildi.

Asbob-uskunalar va himoya vositalari Sog'liqni saqlash vazirligi va Sanitariya-epidemiologik osoyishtalik va jamoat salomatligi xizmatiga taqdim qilindi.

Manba: «Yangi O"zbekiston»