O‘zbekistonning MDHdagi raisligi doirasida 2020-yilning 20-iyul kuni Hamdo‘stlik mamlakatlari ekspertlari videokonferensaloqa shaklida MDH Ijroiya qo‘mitasi Raisi – MDH Ijroiya kotibi o‘rinbosarlari va MDH Ijroiya qo‘mitasidagi boshqa mansabdor shaxslar kvotalarni taqsimlash, tayinlash va almashtirish tartibini takomillashtirish masalalarini muhokama qildilar.

Tadbirda Armaniston, Belarus, Moldova, Ozarbayjon, Qirg‘iziston, Qozog‘iston, Rossiya, Tojikiston va O‘zbekiston vakillari ishtirok etdi.

Tadbir davomida MDH Ijroiya qo‘mitasida kvotalarni taqsimlash tartibini takomillashtirish bo‘yicha kelgusidagi ishlar shakli ko‘rib chiqildi.

Ekspertlar yig‘ilishi yakunida MDH Tashqi ishlar vazirlarining navbatdagi majlisida ushbu masala muhokamasini davom ettirishga qaror qilindi.

Manba: O’zbekiston Respublikasi Tashqi ishlar vazirligi