Xabaringiz bor, O'zbekiston Respublikasi Vazirlar Mahkamasining 2020 yil 23 martdagi 176-son “Koronavirus infektsiyasi tarqalishiga qarshi qo'shimcha chora-tadbirlar to'g'risida”gi qaroriga ijrosini ta'minlash va koronavirus infektsiyasi tarqalishini oldini olish maqsadida joriy yilning 24 mart kunidan hududiy Ichki ishlar organlarining fuqarolarni qabul qilish faoliyati vaqtincha ish faoliyati to'xtatilgan edi.

2020-yil 4-maydan boshlab, Migratsiya va fuqarolikni rasmiylashtirish (pasport, propiska, viza) hamda yo'l harakati xavfsizligi (ro'yxatdan o'tkazish va imtihon olish, ma'muriy amaliyot, majburiy texnik ko'rikdan o'tkazish) bo'linmalari fuqarolarga xizmat ko'rsatish faoliyatini boshladi.

Bunda, fuqarolarni qabul qilishda ularning karantin qoidalariga to'liq rioya qilinishlariga alohida e'tibor beriladi.

IIV Migratsiya va fuqarolikni rasmiylashtirish bosh boshqarmasi