2020-yil 19-mart kuni Oʻzbekistonda koronavirus tarqalishining oldini olish boʻyicha respublika maxsus komissiyasining navbatdagi yigʻilishi boʻlib oʻtdi.

Unda 2020-yil 19-martdan boshlab butun mamlakat boʻylab

• massaj salonlari
• diskotekalar, diskobarlar
• bolalar oʻyin zallari faoliyatini toʻxtatishga qaror qilindi.

Tadbirkorlik subyektlaridan koʻrilayotgan chora-tadbirlarga xayrixoh boʻlishlarini soʻraymiz. Oʻz-oʻzini himoya qilish uchun aholiga karantin davrida bunday muassasalarga tashrif buyurmaslikni tavsiya qilamiz.

Ushbu qaror ijrosi Davlat soliq xizmati, ichki ishlar organlari va Oʻzbekiston Respublikasi Milliy gvardiyasi tomonidan qatʼiy nazorat qilinadi.

DSQ Matbuot xizmati