“Asialuxe Travel” milliy turoperatori Canitariya-epidemiologik osoyishtalik agentligiga begʻaraz yordam sifatida 5 ming dona tibbiyot niqobini taqdim etdi.

– Aholi salomatligini saqlash yoʻlida begʻaraz yordamini ayamayotgan mamlakatimizdagi barcha idoralar, xorijiy tashkilotlar va saxovatpesha insonlarga minnatdorlik bildiramiz, – dedi Canitariya-epidemiologik osoyishtalik agentligi Jamoatchilik va ommaviy axborot vositalari bilan aloqalar boʻlimi boshligʻi M.Bozorov.

Eslatib oʻtamiz, kuni kecha AQSH elchixonasi Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik agentligiga koronavirus kasalligi tarqalishiga qarshi kurashish uchun ikkinchi xayriya yordami sifatida shaxsiy himoya vositalarini topshirgan edi.

Mohigul Qosimova, OʻzA