O`zbekiston Respublikasi
Hukumat portali
Navoiy viloyati hokimi Karmana tumani maktablarida dars o‘tdi
2019-09-09 | Ta’lim
Umumta’lim maktablarida rahbarlarning dars o‘tishi yaxshi an’anaga aylandi. Jumladan, Navoiy viloyatida birgina “Bilimlar kuni”da ushbu an’anada 200 nafardan ortiq korxona va tashkilot rahbarlari hamda deputatlar faol qatnashdi.
Navoiy viloyati hokimi K.B.Tursunov ham haftada 3 marotaba ta’lim maskanlariga tashrif buyurib, o‘quvchilar bilan dildan suhbatlashdi. Dastlab tumandagi 21-umumta’lim mayetabida, so‘ngra 12- va 14- umumta’lim maktablarida dars mashg‘ulotlari o‘tkazdi. Navoiy viloyati hokimi o‘quvchilar bilan hayot falsafasi va kelajak haqida suhbatlashdi.
Viloyat hokimi har bir borgan maskan kutubxonasi uchun badiiy kitoblar sovg‘a qilmoqda.
Ahamiyatlisi, viloyatning har-bir tuman, shahar maktablarida ushbu an’anani davom ettirgan holda yil davomida viloyatdagi 365 ta umumta’lim maktablarida o‘quvchilar bilan suhbat hamda dars o‘tish rejalashtirilgan.