Poytaxtimizdagi Gimnastika bo‘yicha ixtisoslashtirilgan bolalar va o‘smirlar sport maktabida qilichbozlik bo‘yicha “Satellit” xalqaro turniri davom etmoqda.

O‘zbekiston Jismoniy tarbiya va sport vazirligi, Milliy olimpiya qo‘mitasi, O‘zbekiston qilichbozlik federatsiyasi, Xalqaro qilichbozlik federatsiyasi (FIE) hamkorligida o‘tayotgan turnirning dastlabki kunida rapira yo‘nalishi bo‘yicha bahslar bo‘lib o‘tdi.

Erkaklar o‘rtasidagi bahslarda turkiyalik Martino Munito barcha raqiblarini yengib, oltin medalni qo‘lga kiritdi. Shuningdek, turnirda rossiyalik Ivan Troshin ikkinchi, qozog‘istonlik Temirlan Kaliev va singapurlik Chan Kevin esa uchinchi pog‘onadan joy oldi.

Javohir TOShXO‘JAEV, O‘zA