“Sharq taronalari” o‘n ikkinchi xalqaro musiqa festivali munosabati bilan viloyat kasb-hunar ta’limi hududiy boshqarmasi tomonidan Registon maydonida viloyatimizning turli xududlarida tayyorlangan 52 xil non, turli xil ho‘l va quruq mevalar hamda qandolatchilik mahsulotlari ko‘rgazmasi tashkil etildi.

Bir-biridan xushta’m va shifobaxsh bo‘lgan arpa non, cho‘pon non, qozon non, zog‘ora non, jizzali non, sedanali non, javdar non, zig‘ir urug‘li non, suli non, lochira non, g‘ijja non, obi non, makkajo‘xori non, qora non, jo‘xori non, rayhon patir, ismaloq suvli patir, tosh patir, qizil lavlagi suvli patirlar tadbir qantashchilariga manzur bo‘lmoqda.