O'zbekiston Respublikasi Fanlar akademiyasi akademik O.S.Sodiqov nomidagi Bioorganik kimyo instituti mutaxassislari tomonidan tibbiy amaliyotida operasiyadan keyingi chandiqlanish jarayonining oldini oluvchi vosita ishlab chiqildi. 

Mutaxassislar tomonidan kollagen va karboksimetilsellyuloza asosida yara bitiradigan chandiq hosil qilmaydigan materialni olish usuli taklif qilingan bo'lib, bu usul yirik qora mol terilaridan suvli suspenziya ko'rinishidagi kollagen massani ajratib olish, uni karboksimetilsellyuloza va yordamchi modda bilan aralashtirish, qoliplarga quyish va quritishdan iborat.
Ixtiro mualliflari Tupgyn Gulyamov, Nurillo Muydinov, Abdulaxat Atajanov, Shoxsanam Jumaeva, Shavkat Shomurotov, Otabek Radjabov va Abbasxan Turaevlarga IAP 05873 -raqamli patent berildi.