Joriy yilning 18-iyun kuni Oʻzbekiston Respublikasi Qishloq xoʻjaligi vazirligi va Belarus Respublikasi qishloq xoʻjaligi va oziq-ovqat vazirligi oʻrtasida qishloq xoʻjaligi va oziq-ovqat sanoati boʻyicha ishchi guruhning birinchi yigʻilishi boʻlib oʻtdi.

Uchrashuvda Belarus va Oʻzbekiston qishloq xoʻjaligi sohasida hamkorlikning dolzarb masalalari muhokama qilindi. Belarus tomoni qishloq xoʻjaligida agrosanoat majmui sohasidagi hamkorlikni rivojlantirishga qiziqish bildirgan boʻlsa, Oʻzbekiston tomoni sut ishlab chiqaruvchi zavodlarni yuqori texnologiyali uskunalar bilan jihozlash, chorvachilikda sutni koʻpaytirish uchun laboratoriyalarni tashkil qilish, oʻsimliklarni yetishtirish, urugʻchilik va yem-xashak ishlab chiqarish sohasida Belarus resurslarini tejovchi texnologiyalarni joriy etish masalalari haqida fikr bildirdi.