Xorazm Maʼmun akademiyasida “Xorazm oʻqishlari” turkumida “Oʻzbekiston davlatchiligi tarixida Xorazm” mavzusidagi II Respublika ilmiy konferensiya boʻlib oʻtdi.

Konferensiyada Oʻzbekiston Respublikasi Fanlar akademiyasi Tarix instituti, Xorazm Maʼmun akademiyasi hamda Oʻzbekiston Respublikasi Oliy va oʻrta maxsus taʼlim vazirligi Urganch davlat universiteti vakillari, yetakchi soha mutaxassislari ishtirok etdi.

Konferensiya ishida tarix, tarixshunoslik va manbashunoslik, arxeologiya, etnologiya va sanʼatshunoslik sohasining yutuq va muammolari muhokama qilindi.