Innovatsion rivojlanish vaziri birinchi oʻrinbosari v.b. Sharof Rajabbayev Toshkent shahri Mirzo-Ulugʻbek tumanidagi oʻzi taʼlim olgan 286-umumtaʼlim maktabining kutubxonasiga kitoblar sovgʻa qildi.

Maktab maʼmuriyati va oʻquvchilar bilan boʻlgan suhbat chogʻida Sh. Rajabbayev oʻquvchilik yillarini xotirladi. Oʻquvchilar mehmonlarga oʻzlari yodlagan sheʼrlarni oʻqib berdilar.

286-maktabning sobiq oʻquvchisi Sh. Rajabbayev oʻzining yosh maktabdoshlariga oʻqishlarida muvaffaqiyatlar tilarkan, maktabning iqtidorli oʻquvchilariga oʻzi sevib oʻqigan kitoblardan tuhfa etdi.