Viloyat tarixi va madaniyati davlat muzeyi tomonidan tumanlarda yil davomida koʻchma koʻrgazmalar tashkil etish rejalashtirilgan.

Xususan, oʻtgan haftada Forish tumanidagi 1-umumtaʼlim maktabida muzeyning tarix, madaniyat va sanʼat boʻlimlarining koʻchma koʻrgazmasi tashkil etildi. Unga mezbon maktabdan tashqari 22-, 55- maktab oʻquvchilari ham tashrif buyurdilar.

Koʻrgazmada oʻquvchilarga viloyatimizda uchraydigan noyob hayvonlar va oʻsimliklar, viloyatimiz tarixi, etnografiyasi, milliy-madaniy meros obyektlari haqida batafsil maʼlumot berildi. Tadbirda nafaqat eksponatlar, balki muzey faoliyati toʻgʻrisida qiziqarli roliklar namoyish etildi.