O`zbekiston Respublikasi
Hukumat portali
Amaliyot va taʼlim uzviyligini taʼminlash yoʻlida
2019-03-04 | Ta’lim
Oʻzbekiston Respublikasi Suv xoʻjaligi vazirligi va Toshkent irrigatsiya va qishloq xoʻjaligini mexanizatsiyalash muhandislari instituti oʻrtasida amaliyot bilan taʼlimning uzviyligini taʼminlash maqsadida imzolangan shartnomaga muvofiq vazirlik rahbar va mutaxassislarining talabalarga mashgʻulot oʻtishi tashkil etilmoqda.
Joriy yilning 1-mart kuni oʻtkazilgan navbatdagi maʼruza mashgʻulotida Yerlarni melioratsiyalash boshqarmasi boshligʻi Q.Murodov Gidromelioratsiya fakultetining Suv xoʻjaligi va melioratsiya taʼlim yoʻnalishi 4-bosqich talabalariga suv xoʻjaligi tizimida, jumladan, yerlarning meliorativ holatini yaxshilash, sohani texnik va texnologik jihatdan yaxshilash hamda modernizatsiya qilish boʻyicha amalga oshirilayotgan islohotlar haqida atroflicha maʼlumot berdi.
Mashgʻulot soʻngida talabalarni qiziqtirgan savollarga batafsil javob berildi.