21-fevral - Butunjahon ekskursovodlar kuni hamda Buxoro shahrida oʻtkazilayotgan I Xalqaro ziyorat turizmi forumi arafasida Oʻzbekiston Respublikasi Adliya vazirligi Oʻzbekiston Respublikasi gidlar uyushmasini davlat roʻyxatidan oʻtkazildi.

Mazkur tashkilotning asosiy maqsadi mamlakatimizda sayyohlik sohasida gidlik faoliyati uchun samarali boʻlgan ijtimoiy iqtisodiy shart-sharoitlar yaratish, gid kasbi obroʻ-eʼtiborini oshirish hamda Uyushma aʼzolari faoliyatini rivojlantirishga koʻmaklashish, shuningdek gidlik sohasini rivojlantirish, xizmatlar koʻlamini kengaytirish, gidlar xizmatlari sifatini yaxshilashda hamkorlik qilish va koʻmaklashish, gidlarning professional maqomini shakllantirish va qoʻllab-quvvatlash, zamonaviy bozor iqtisodiyotining muhim elementi sifatida professional gidlar sonini koʻpaytirish uchun qulay shart-sharoitlar yaratishga yordam berishdan iborat.