Joriy yilning fevral oyida ijtimoiy-siyosiy faol ayollarni rahbarlik lavozimlariga, shuningdek, kelgusida deputatlikka tayyorlash va ularning bilimlarini yanada oshirish maqsadida oʻquv-seminari oʻtkazilmoqda.

Unda siyosiy partiyalarning vakillari, mutaxassislar va poytaxt tumanlaridagi mavjud korxona, muassasa va tashkilotlarda faoliyat olib borayotgan xotin-qizlar ishtirok etmoqda.

Oʻquv-seminar davomida mutaxassislarning maʼruzalari tinglanadi hamda yigʻilganlar oʻrtasida bugungi kundagi dolzarb mavzular yuzasidan muhokamalar oʻtkazilishi koʻzda tutilgan.

Shuningdek, unga deputatlikka nomzod sifatida tavsiya qilingan 300 dan ortiq xotin-qizlar jalb etilgan.

Maʼlumot uchun, OʻzLiDeP partiyasi aʼzolarining 50%, Oʻzbekiston Xalq Demokratik partiyasining 56%, Adolat SDP partiyasida 48%, Milliy tiklanish partiyasining 47% ini xotin qizlar tashkil etadi.