2019-yil 1-fevral kuni Adliya vazirligi va “Buyuk Kelajak” xalqaro nodavlat notijorat tashkiloti oʻrtasida oʻzaro anglashuv Memorandumini imzolash marosimi boʻlib oʻtdi.

Marosimda Adliya vaziri birinchi oʻrinbosari M.Istamov, “Buyuk Kelajak” XNNT ijrochi direktori vazifasini bajaruvchi Z.Azimova hamda “Buyuk Kelajak” XNNT taʼsischisi B.Ismailovlar ishtirok etdi.

Memorandumning maqsadi “Buyuk Kelajak” ekspertlarining ilgʻor xorij tajribasi tahlillarini inobatga olgan holda Oʻzbekiston Respublikasining normativ-huquqiy bazasini va huquqni qoʻllash amaliyotini yanada takomillashtirishdan iboratdir.

Taʼkidlanishicha, ushbu hujjat tomonlarning rejalashtirilayotgan tadbirlarni hamda Oʻzbekistonda amalga oshirilayotgan keng koʻlamdagi islohotlar jarayonidagi vazifalarni samarali amalga oshirish uchun asos boʻlib xizmat qiladi.