Oʻzbekiston Respublikasi Fanlar akademiyasi akademik S.Yu.Yunusov nomli Oʻsimlik moddalari kimyosi institutining bir qator mutaxassislari tomonidan xronik alkogolizmni davolash uchun farmatsevtik kompozitsiya ishlab chiqildi.

Ushbu ixtironing vazifasi alkogolga nisbatan patologik moyillikni turgʻun bartaraf etadigan, alkogol man qilinganida, abstinensiya hodisalarini yengillashtiradigan, simptomatik terapiya uchun har xil farmakoterapevtik guruhlarga mansub preparatlarning xususiyatlarini (sedativ-trankvilizatsiyalovchi, analgetik, nootrop) oʻzida jamlangan yangi preparat yaratishdan iborat.

Mualliflar guruhiga ushbu yaratilgan ixtirolari uchun IAP 05700 raqamli patent berildi.