Samarqand Davlat universitetining pedagogika fakultetida 24-26-noyabr kunlari “Talaba yoshlarni oilaviy hayotga tayyorlash muammolari” mavzusida Respublika ilmiy-amaliy konferensiyasi boʻlib oʻtdi.

Unda Respublikamiz poytaxti va viloyatlaridan tashrif buyurgan koʻplab mutaxassislar va tinglovchilar ishtirok etdilar. Anjuman qatnashchilari shoʻbalarga boʻlinib: “Oila pedagogikasi va psixologiyasida zamonaviy yondoshuvlar, anʼana va innovatsiyalar”;

“Innovatsion taʼlim muhitida talabalarni oilaviy hayotga tayyorlash muammolari va istiqbollari”; “Oila taʼlim subyekti sifatida”; “Talabalarda inklyuziv taʼlimga oid kasbiy kompetensiyalarni shakllantirish”singari masalalarni muhokama qilishdi. Anjuman uch kun davom etdi.