Oʻzbekiston isteʼmolchilar huquqlarini himoya qilish jamiyatlari federatsiyasi Xalqaro isteʼmolchilar tashkilotlari konfederatsiyasi va Qozogʻiston Isteʼmolchilar milliy ligasi boshqaruvi bilan hamkorlik memorandumini imzoladi.

Unga koʻra, tomonlar isteʼmolchilar huquqlarini himoya qilish boʻyicha oʻzaro axborot almashish, qoʻshma loyiha va dasturlarni ishlab chiqish va amalga oshirish, hamkorlik boʻyicha qoʻshma ishchi guruhlari, muvofiqlashtiruvchi va maslahat kengashlari tuzish, tajriba almashish yuzasidan uchrashuv, ilmiy konferensiya, seminar va simpoziumlar tashkil etishga kelishib oldi.