Respublikamiz milliy reyting tizimiga bag‘ishlangan veb-portal (reyting.tdi.uz) ishga tushganligini ma’lum qilamiz.

Endilikda oliy ta’lim muassasalarining reyting bo‘yicha to‘plagan ballari, 4 ta yo‘nalish, 59 ta raqamli baholash ko‘rsatkichlaridan iborat 23 ta indikator bo‘yicha to‘liq ma’lumot bilan tanishib chiqishingiz mumkin.

Bundan tashqari, yurtimiz ta’lim muassasalarida kadrlar tayyorlash sifatining umumiy holati bo‘yicha monitoring olib borish maqsadida uzluksiz ta’limning quyi bo‘g‘inlari (kollej va litseylar, umumta’lim muassasalari hamda maktabgacha ta’lim muassasalari) uchun ham reyting indikatorlari ishlab chiqilgan bo‘lib kelajakda ularning reytingi ham e’lon qilinishi rejalashtirilgan.