Prezidentimizning hududlarga tashriflari chog‘ida bergan topshiriqlari asosida respublikamizning turli viloyatlarida atoqli shoir va yozuvchilar nomlari bilan atalgan ixtisoslashgan maktab va maktab-internatlari faoliyati yo‘lga qo‘yildi.

Qarshi shahridagi Abdulla Oripov nomidagi Davlat ixtisoslashtirilgan maktab-internatida O‘zbekiston Respublikasi Fanlar Akademiyasining haqiqiy a’zosi, akademik Akmal Saidov, Plexanov nomidagi Rossiya Davlat iqtisodiyot akademiyasi Toshkent filiali rektori, akademik Qalandar Abdurahmonov hamda O‘zbekiston yozuvchilar uyushmasi raisi o‘rinbosari, “O‘zbekiston adabiyoti va san’ati” gazetasi bosh muharriri, shoir Sirojiddin Sayyid ishtirokida uchrashuv bo‘lib o‘tdi.

Tadbirda mehmonlar o‘quvchilarni qiziqtirgan savollariga javob qaytarishdi, o‘z hayotiy va ish tajribasini o‘rtoqlashdi hamda ilm-fan va ijod bilan shug‘ullanish istagidagi o‘quvchilarga o‘z tavsiyalarini berishdi.

Mehmonlar Qahramon shoir haykali poyiga gul qo‘yishdi, muassasada Abdulla Oripov hayoti va ijodiga bag‘ishlab tashkil etilgan muzeyi faoliyati bilan tanishdi.