Joriy yilning 14 iyun kuni Rossiyada futbol bo‘yicha jahon chempionati boshlanadi.

FIFA tashkiloti mazkur chempionatda ishlaydigan hakamlar ro‘yxatida hamyurtlarimiz Ravshan Ermatov va Abduhamidullo Rasulov va Jahongir Saidovlar borligini e’lon qilgan edi.

Shuningdek, FIFA jahon chempionatida ilk marotaba O‘FA Xalqaro boshqarmasi boshlig‘i o‘rinbosari Olim Arifov joriy yilgi jahon chempionatiga komissar sifatida ishlashga rasman taklif qilingan.

Shuni ta’kidlab o‘tish kerakki, bu kunga qadar O‘zbekistondan, balki Markaziy Osiyo davlatlaridan hech kim jahon chempionatlarida komissar sifatida ishlamagan. 

Javohir Toshxo‘jayev, O‘zA