Ko'rinish
A
A
A
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
Toshkent xalqaro konferensiyasi boshlandi
2018-03-27 | Siyosat
O‘zbekiston Respublikasi Prezidenti Shavkat Mirziyoyev tashabbusi bilan o‘tkazilayotgan “Tinchlik jarayoni, xavfsizlik sohasida hamkorlik va mintaqaviy sheriklik” mavzuida Afg‘oniston bo‘yicha yuqori darajadagi Toshkent xalqaro konferensiyasi boshlandi.
Unda O‘zbekiston Respublikasi Prezidenti Shavkat Mirziyoyev, Afg‘oniston Islom Respublikasi Prezidenti Muhammad Ashraf G‘ani, BMTning Afg‘onistondagi maxsus vakili Tadamiti Yamamoto, Yevropa Ittifoqining tashqi ishlar va xavfsizlik siyosati bo‘yicha Oliy vakili Federika Mogerini, shuningdek, AQSh, Buyuk Britaniya, Germaniya, Italiya, Fransiya, Turkiya, Rossiya, Xitoy, Hindiston, Eron, Pokiston, Qozog‘iston, Qirg‘iziston, Tojikiston, Turkmaniston, Saudiya Arabistoni va Birlashgan Arab Amirliklari tashqi siyosiy mahkamalari rahbarlari, 25 davlat va xalqaro tashkilotlar vakillari ishtirok etmoqda.
Mazkur xalqaro konferensiyaga dunyo hamjamiyati zo‘r qiziqish bilan qaramoqda. Jafokash afg‘on xalqining umida katta.
Mintaqada xavfsizlikka erishish, shu orqali nafaqat Afg‘onistonda, balki Markaziy Osiyo va unga tutash mamlakatlarda tinch taraqqiyotni ta’minlashga xizmat qiluvchi mazkur konferensiyada afg‘on muammosini hal qilish bo‘yicha aniq takliflar ilgari surilishi kutilmoqda.
Ulug‘bek Asrorov, O‘zA
