Rossiyada joriy yilning 18 aprel va 4 may kunlari kuni professional boks bo‘yicha nufuzli turnirlar o‘tkaziladi.

18 aprel kuni bo‘lib o‘tadigan bellashuvlarda mamlakatimiz sharafini Stepan Partanov va Jaloliddin O‘ktamov himoya qiladi.

Mazkur musobaqada Stepan (0-1-0) kamerunlik Guyerin Sox Fonkouga (1-3-0) qarshi ringga qo‘tarilsa, Jaloliddin(2-0-0) rossiyalik D yenis Xamatovni (1-0-0) sinovdan o‘tkazadi.

4 may kuni bo‘lib o‘tadigan bahslarda iste’dodli bokschimiz Mashhurbek Qambarov (3-0-0) rossiyalik Ashot Papyan (6-2-0) bilan, Azamat Ergashev (8-2-0) esa yana bir rus bokschisi Yevgeniy Nikitinga qarshi raqobatlashadi.

Shuningdek, ushbu boks kechasida Mirzohidjon Abdullayev (3-0-1) mezbon bokschi Sergey Kojuxarni (1-0-1), Lazizbek Uzoqov (4-13-2) rossiyalik Vladislav Cherezovni (1-0-0) sinovdan o‘tkazadi. 
 

Javohir Toshxo‘jayev, O‘zA