Dunyo mamlakatlarida aholi turmush darajasi va farovonligi turli atamalar va tushunchalarda ifodalanadi. Masalan, O'zbekistonda aholining moddiy, ma'naviy hamda ijtimoiy ehtiyojlari qondirilish darajasini ifodalaydigan “turmush darajasi” atamasi keng ma'noda qo'llaniladi.

Bunday tavsif ko'proq turmush darajasi statistikasini xarakterlaydi va bu ko'plab omillar yig'indisi ta'sirida bo'lgan o'zgaruvchan jarayondir. Turmush darajasi – bu jismoniy, ma'naviy va ijtimoiy ehtiyojlarning rivojlanishi, shuningdek, ularni qondirish uchun yaratilgan imkoniyatlarni aks ettiruvchi kompleks ijtimoiy-iqtisodiy mezondir.