"O‘zbekcharmpoyabzali" uyushmasi barchani 2018-yilning 27-29-mart kunlari bo‘lib o‘tadigan "VIII xalqaro charm, poyabzal, kiyim va aksessuarlar" ko‘rgazma-yarmarkasiga taklif etmoqda. Tadbir Toshkent shahrining “O‘zekspomarkaz”ida o‘tkaziladi.

–Ushbu ko‘rgazma-yarmarkada mahalliy tarmoq korxonalari bilan bir qatorda 10 dan ortiq chet davlatining 60 nafarga yaqin tadbirkori ishtirok etishi kutilmoqda, – dedi uyushmaning axborot xizmati xodimi Sardor Jovliyev. – Biz uchun e’tiborli jihati shuki, unda zamonaviy dizayn asosida yaratilgan charmpoyabzal mahsulotlarining yangi namunalari, texnologiyalar, texnologik dastgoh va uskunalari namoyish etiladi. Ko‘rgazma doirasida ilmiy-amaliy konferensiya, seminar va taqdimotlar o‘tkazilishi rejalashtirilgan.