Sloveniyaning Lasko shahrida karate (WKF) bo‘yicha o‘tkazilgan “Slovenia Open” xalqaro turnirida O‘zbekiston terma jamoasi a’zolari beshta oltin medalni qo‘lga kiritdi. 

Musobaqada dunyoning 40ga yaqin mamlakatidan kelgan 700 nafarga yaqin sportchi o‘zaro raqobatlashdi. 

Mazkur musobaqada mamlakatimiz sharafini himoya qilgan Sadriddin Saymatov, Dostonbek Otabolayev, Abdulaziz Otaboyev o‘z vazn toifalarida shohsupaning eng yuqori pog‘onasiga ko‘tarilgan bo‘lsa, xotin-qizlar o‘rtasida Bahriniso Boboyeva hamda Barno Mirzayeva barcha raqiblarini yengib, oltin medalni qo‘lga kiritdi.

Javohir Toshxo‘jayev, O‘zA