Tojikistondan O‘zbekiston Respublikasiga 2018 yil vegetatsiya davrida o‘zaro foydali texnik-iqtisodiy shartlar bo‘yicha 1,5 milliard kVt. soatgacha bo‘lgan miqdorda elektr energiyasi yetkazib beriladi.

“O‘zbekenergo” aksiyadorlik jamiyati axborot markazining seshanba kuni tarqatgan xabariga ko‘ra, bu haqdagi kelishuvga Savdo-iqtisodiy hamkorlik bo‘yicha hukumatlararo komissiya majlisi bayonnonomasi bandlarini bajarish bo‘yicha ishchi komissiya yig‘ilishi davomida erishilgan.

Ta’kidlanishicha, Tojikistondan O‘zbekistonga 2018/2019 yillar qish mavsumi uchun yetkazib beriladigan elektr energiyasi hajmi qo‘shimcha ravishda ko‘rib chiqiladi.