Ko'rinish
A
A
A
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
Buyuk Britaniyadagi dunyoning eng katta kutubxonasida O‘zbekistonda nashr etiladigan kitoblar saqlanadigan bo‘ldi
2018-03-07 | Madaniyat
London shahrida amaliy tashrif bilan mehmon bo‘lib turgan Islom sivilizatsiyasi markazi, Imom Buxoriy xalqaro ilmiy-tadqiqot markazi, O‘zbekistonga oid xorijdagi madaniy merosni tadqiq etish markazi va Toshkent islom universitetining Islomshunoslik ilmiy-tadqiqot markazi vakillaridan iborat delegatsiya Buyuk Britaniya kutubxonasi ma’muriyati bilan uchrashuv o‘tkazdi.
Kutubxona vakillari Kristian Jensen, Kolin Beker, Luiza Mengoni, Janet Zmrojek bilan suhbatda Buyuk Britaniya kutubxonasi dunyodagi qo‘lyozma, kitob, xarita, jurnal va boshqa manbalarning eng boy fondiga ega kutubxona hisoblanishi, unda 150 milliondan ziyod manba saqlanishi ta’kidlandi. Kutubxonaga har yili 3 million yangi adabiyot qo‘shiladi, kuniga o‘rtacha 16 000 kitobxon tashrif buyuradi. Agar kuniga Buyuk Britaniya kutubxonasida saqlanayotgan 5 ta kitob o‘qilsa, jami manbalarni o‘qib tugatish uchun 18 000 yil kerak bo‘ladi.
Uchrashuvda o‘zaro hamkorlik istiqbollari muhokama etildi.
