Olimpiya va milliy sport turlari bo‘yicha Nukus oliy sport maktabini tashkil etish to‘g‘risidagi Hukumat qarori qabul qilindi. Bu haqda dushanba kuni Adliya vazirligining Telegramdagi “Huquqiy axborot” kanalida xabar qilindi.

Qarorga asosan Jismoniy tarbiya va sport davlat qo‘mitasining Nukus shahridagi yangi sport majmuasi negizida Olimpiya va sport turlari bo‘yicha Nukus oliy sport mahorati maktabi tashkil etiladi.

Oliy sport mahorat maktabining asosiy vazifalaridan biri sifatida sportning olimpiya va sport turlari bilan shug‘ullanish uchun zarur sport ko‘rsatkichlari, sport salohiyati, sportning tanlangan turi bo‘yicha professional ko‘nikmalar va mahoratga ega bo‘lgan iqtidorli va istiqbolli sportchilarni tanlab olish belgilanmoqda.