Joriy yilning 5-mart kuni Oliy Majlis huzuridagi jamoat fondi mablag‘larini boshqarish bo‘yicha Parlament komissiyasining navbatdagi yig‘ilishi o‘tkaziladi.

Yig‘ilishda 2018-yilda Harakatlar strategiyasi hamda “Faol tadbirkorlik, innovatsion g‘oyalar va texnologiyalarni qo‘llab-quvvatlash yili” Davlat dasturida belgilangan vazifalarni amalga oshirishida NNT, OAV va fuqarolik jamiyati institutlarining faol ishtirokini ta’minlashning yo‘nalishlari muhokama qilinadi.

Davlat byudjetidan ajratilgan 17,7 mlrd. so‘m miqdoridagi mablag‘lar davlat grantlari, ijtimoiy buyurtmalari va subsidiyalar shaklida yo‘naltirilishining ustivor vazifalari ko‘rib chiqiladi.

Yo‘naltirilishi rejalashtirilgan mablag‘lar miqdori 2017-yildagi ajratilgan mablag‘ miqdoriga nisbatan 1,4 barobarga oshgan.