Xitoyda Xalqaro tennis federatsiyasi – ITF tomonidan o‘tkazilayotgan turnirda mamlakatimizning birinchi raqamli tennischisi Sabina Sharipova chorak finaldan muvaffaqiyatli o‘tdi.

Sabina Sharipova musobaqaning yarim final yo‘llanmasi uchun o‘tgan o‘yinda xitoylik Ao Gaiga qarshi kortga chiqib, 7:6, 5:7, 6:2 hisobida g‘alaba qozondi. Endi u finalga chiqish uchun gonkonglik Jan Lin bilan kuch sinashadi. 

Qozog‘istonda o‘smirlar o‘rtasida o‘tayotgan turnirda yosh tennischimiz Sevil Yo‘ldosheva rossiyalik Anjela Braimni 7:5, 6:2 hisobida mag‘lubiyatga uchratdi va ikkinchi davrada yana bir rus tennischisi Alina Lebedevaga qarshi kortga chiqadi.