Toshkent shahar Yo‘l harakati xavfsizligi boshqarmasi o‘zining rasmiy veb-sayti (ubdd.uz), shuningdek, Telegram va Facebook ijtimoiy tarmoqlarida o‘z sahifalarini ochadi. Bu haqda Toshkent shahar IIBB chorshanba kuni xabar berdi.

Endilikda fuqarolar o‘zini qiziqtirgan istalgan axborotni YHXB xodimlaridan olishi mumkin.

Shuningdek, Toshkent shahar yo‘l harakati xavfsizligi boshqarmasi boshlig‘i, polkovnik Barat Hakimovich Mamenovga onlayn rejimda shaxsan murojaat etish mumkin bo‘ladi.

“Bundan tashqari, sahifamizga kelgan sizning barcha iltimoslaringiz, shikoyatlaringiz hamda murojaatlaringiz diqqat bilan tahlil qilinib, kerakli qarorlar qabul qilinadi”, deyiladi xabarda.