Tashrif doirasida AQSH harbiy mutaxassislari ishtirokida “Profilaktik tibbiyot bo‘yicha axborot almashinuvi” mavzusida seminar tashkil qilindi. Unda harbiy-tibbiyot yo‘nalishida tahsil olayotgan kursantlar, harbiy shifokorlar ishtirok etdi.

— Bu tadbirni harbiy-tibbiy ta’lim sohasidagi axborot almashinuvi, desak to‘g‘riroq bo‘ladi, — deydi Toshkent tibbiyot akademiyasi huzuridagi harbiy-tibbiyot fakulteti boshlig‘i, tibbiy xizmat polkovnigi Jahongir Sobirov. — Albatta, mazkur seminar mashg‘ulotlarida yangiliklar ham ko‘p bo‘ldi. Ayniqsa, innovatsion texnologiyalar sohasida. Kelajakda bunday tadbirlarga ko‘proq xorijiy ekspertlar jalb qilinsa, mashg‘ulotlar samaradorligi yanada oshishiga xizmat qiladi.

AQSH harbiy mutaxassislari bu borada innovatsion texnologiyalardan foydalanib, tezkor va samarali natijalar qo‘lga kiritish mumkinligini namoyish qildilar.

Shuningdek, delegatsiya a’zolari akademiya tarixi muzeyida bo‘ldi. O‘quv xonalarini ko‘zdan kechirdi, axborot-resurs markazi, kursantlarning yashash sharoitlari bilan tanishdi.

General Xarrigan bundan keyin ham ikki tomonlama hamkorlik aloqalari rivojiga umid qilishini ta’kidlab, yurtimizga tashrifidan mamnunligini bildirdi, deb yozadi Mudofaa vazirligi matbuot xizmati.