Futzal bo‘yicha O‘zbekiston terma jamoasi Xitoy Taypeyida boshlangan Osiyo chempionatining dastlabki uchrashuvida Janubiy Koreya termasi bilan bahslashdi.

Chempionatning “B” guruhidagi ushbu o‘yinda futzalchilarimiz koreyalik raqiblarini 13:2 hisobida mag‘lubiyatga uchratdi.

Bahsda terma jamoamizga g‘alaba keltirgan gollarga Artur Yunusov, Davron Choriyev (3 marotaba), Farhod Abdumavlonov, Ixtiyor Ropiyev, Husniddin Nishonov, Dilmurod Shavkatov, Ilhom Hamroyev, Dilshod Rahmatov, Anasxon Rahmatov, Mashrab Odilov, Davron Abdurahmonov mualliflik qildi. 

Janubiy Koreya terma jamoasi a’zosi Jang Yeong Cheol esa darvozamizni ikki bora aniq nishonga olib, hisobni qisqartirdi.

Javohir Toshxo‘jayev, O‘zA