Ko'rinish
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
Buyuk o‘zgarishlarning huquqiy asosi
2017-12-08 | Siyosat
O‘zbekiston Respublikasi Konstitutsiyasi qabul qilinganining 25 yilligi munosabati bilan 7-dekabr kuni poytaxtimizdagi “O‘zbekiston” xalqaro anjumanlar saroyida tantanali tadbir bo‘lib o‘tdi. Unda davlat va jamoat arboblari, fan, madaniyat, san’at va sport namoyandalari, keng jamoatchilik, xorijiy davlatlarning elchixonalari va xalqaro tashkilotlar vakolatxonalari vakillari ishtirok etdilar.
O‘zbekiston Respublikasi Davlat madhiyasi yangraydi.
O‘zbekiston Respublikasi Prezidenti Shavkat Mirziyoyev ma’ruza qildi.
Bundan roppa-rosa yigirma besh yil muqaddam umumxalq muhokamasidan keyin har tomonlama va chuqur o‘ylangan, demokratik yo‘l bilan qabul qilingan Konstitutsiyamiz yangi jamiyatning huquqiy kafolatlarini shakllantirdi va mustahkamladi.
Prezidentimiz ma’ruzasida ta’kidlanganidek, Asosiy qonunimiz xalqimizning siyosiy-huquqiy tafakkurining yuksak namunasidir. U hech kimga qaram bo‘lmasdan, erkin va ozod, tinch va osoyishta, farovon yashashimizning qonuniy kafolati bo‘lib kelmoqda.
Mamlakatimizda amalga oshirilayotgan izchil islohotlar, ro‘y berayotgan olamshumul o‘zgarishlar xalqimiz turmush tarzida tub burilish yasadi. Xalq bilan muloqot va inson manfaatlari yilida «Inson manfaatlari hamma narsadan ulug‘», degan olijanob g‘oya ustuvorlik kasb etib, davlat hokimiyati boshqaruvida mutlaqo yangi tizim – O‘zbekiston Respublikasi Prezidentining Virtual qabulxonasi, Xalq qabulxonalari tashkil etildi, aholining eng dolzarb muammolarini hal etishning samarali tizimi yaratildi.
Prezidentimiz tashabbusi bilan 2017-2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi jamiyatimiz hayotining barcha sohalaridagi islohotlarni harakatga keltiruvchi kuchga aylandi.
Tantanali marosim bugungi kunda yurtimizda amalga oshirilayotgan izchil islohotlar, hayotimizda ro‘y berayotgan ulkan o‘zgarishlar aks etgan katta konsert dasturi bilan yakunlandi.
Yolqin Shamsiddinov (surat), O‘zA
