Poytaxtimizdagi Ot sporti bo‘yicha respublika oliy sport mahorati maktabida O‘zbekiston Respublikasi Konstitutsiyasining 25 yilligi munosabati bilan o‘tkazilgan shahar chempionatida g‘oliblar nomi aniqlandi.

O‘zbekiston Respublikasi Jismoniy tarbiya va sport davlat qo‘mitasi, “Sog‘lom avlod uchun” xalqaro xayriya fondi hamda Ot sporti bo‘yicha respublika oliy sport mahorati maktabi tomonidan tashkil etilgan musobaqaning ikkinchi kunida sportchilar 6 to‘siqdan sakrash va konkur bo‘yicha bahslashdi. 

100 va 110 santimetr balandlikdagi to‘siqlardan ot sakratishda Yormuhammad Fozilxo‘jayev hamda Zokir To‘rajonov oltin medalni qo‘lga kiritdi. 6 to‘siqdan ot sakratishda Omina Yo‘ldosheva, Zokir To‘rajonov, Javlon Ismoilov shohsupaga ko‘tarildi. 

Javohir Toshxo‘jayev, O‘zA