Ko'rinish
A
A
A
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
“Elektron parlament” tizimini joriy qilish masalasi muhokama markazida
2017-04-25 | Texnologiyalar
2017 yil 24 aprel kuni Aloqa tarixi muzeyida Oliy Majlis Qonunchilik palatasining Axborot va kommunikatsiya texnologiyalari masalalari qo‘mitasi hamda Axborot texnologiyalari va kommunikatsiyalarini rivojlantirish vazirligi tomonidan “Harakatlar strategiyasini amalga oshirish: “elektron parlament” tizimini joriy qilish va rivojlantirish” mavzusida davra suhbati tashkil etildi.
Davra suhbatida mutaxassis va ekspertlar ishtirokida parlamentarizmni rivojlantirishning asosiy yo‘nalishlarini hamda zamonaviy axborot-kommunikatsiya texnologiyalarini keng joriy qilish hisobiga vakillik organlari faoliyatining shaffofligi va samaradorligini yanada oshirish yo‘llarini muhokama qilindi.
Tadbir ishtirokchilari deputatlik korpusining faoliyati mamlakatimizda demokratiyani ta’minlash, ijro xokimiyati organlari faoliyati ustidan ta’sirchan nazorat mexanizmlarini amalga oshirish va chinakam Xalq hokimiyatchiligi mexanizmlarini amalga oshirish bilan chambachas bog‘liqligini, bunda zamonaviy axborot-kommunikatsiya texnologiyalarini keng joriy qilish ushbu faoliyatning samaradorligi va imkoniyatlarini yanada oshirishda muhim omil bo‘lishini qayd etishdi.
Muhokamalarda milliy parlament axborot tizimlarining joriy holati, parlament faoliyatining qonun ijodkorligi, nazorat-tahlil va boshqa shakllarini amalga oshirish jarayonlarida zamonaviy axborot texnologiyalaridan foydalanish amaliyoti to‘g‘risida axborotlar berildi. Parlament palatalari rasmiy veb-saytlarining texnik va xizmat ko‘rsatish imkoniyatlari atroflicha muhokama qilinib, saylovchilar bilan samarali muloqot o‘rnatish maqsadida ularni modernizatsiya qilish chora-tadbirlari belgilab olindi.
Davra suhbati ishtirokchilari xalqaro tajriba tahlillari asosida, “elektron parlament” Kompleks dasturi loyihasining muhim yo‘nalishlari bo‘yicha, jumladan vakillik xokimiyati organlari korporativ ma’lumotlar uzatish tarmog‘ini, foydalanilayotgan elektron hujjat aylanishi tizimini takomillashtirish hamda parlament ma’lumotlar bazalarini, elektron kutubxonalarini va boshqa axborot resurslarini shakllantirish yuzasidan bir qator takliflar bildirishdi.
Tashkil etilgan ishchi guruhi tomonidan kelib tushayotgan ekspertlik takliflarini inobatga olgan holda “elektron parlament” Kompleks dasturi loyihasining yakuniy tahririni tayyorlash maqsadida ishlar davom ettiriladi.
