O‘zbekiston Respublikasi Madaniyat vaziri M.Muratov va Qozog‘iston Respublikasi Madaniyat va sport vaziri Aristanbek Muxamediuli hamda Qozog‘istonning O‘zbekistondagi elchisi Erik Utembaev o‘rtasida uchrashuv bo‘lib o‘tdi.

Uchrashuvda O‘zbekiston va Qozog‘iston Respublikalari o‘rtasidagi ikki tomonlama madaniy hamkorlikning hozirgi holati va istiqbollari muhokama etilib, joriy yilning 22-23 mart kunlari O‘zbekiston Respublikasi Prezidenti Sh.Mirziyoevning Qozog‘iston Respublikasiga amalga oshirgan davlat tashrifi ikki davlat munosabatlarini, xususan, madaniy – gumanitar sohadagi hamkorlikni yanada rivojlanishiga xizmat qilishi ta’kidlab o‘tildi.