2018-10-20

Buxoroda joriy yilning 20-oktabr kuni “Buxoro shahri kuni” hamda “Buxoro hunarmandlari” festivali o’tkaziladi.

Buxoro viloyat va shahar hokimliklari, viloyat Turizmni rivojlantirish departamenti, Madaniyat boshqarmasi, “Mahalla” va “Nuroniy” jamg’armalari, O’zbekiston Yoshlar ittifoqining Buxoro viloyat kengashi hamda hamkor tashkilotlar bilan birgalikda o’tkaziladigan ushbu tadbir Buxoro shahrining “Sitora” bog’idan “Ark” qo’rg’onigacha bo’lgan masofani o’zida qamrab oladi.

Mazkur festivalda folklor jamoalarining chiqishlari, turli xil sahna ko’rinishlari, milliy taomlar namoyishi, palov sayllari, sharqona kuy-qo’shiq va raqslar guldastasi shuningdek, kun oxirida katta gala-konsert o’tkazilishi rejalashtirilgan.