O`zbekiston Respublikasi
Hukumat portali
Oʻzbekiston Respublikasi Oliy Majlisi Senatining oʻn oltinchi yalpi majlisi
2018-09-27
2018 yil 22 sentabr kuni Oʻzbekiston Respublikasi Oliy Majlisi Senati Kengashining majlisi boʻlib oʻtdi.
Majlisni Oliy Majlis Senati Raisi N.Yoʻldoshev olib bordi.
Kengash Oʻzbekiston Respublikasi Oliy Majlisi Senatining oʻn oltinchi yalpi majlisini joriy yilning 27 sentabr kuni Toshkent shahrida chaqirish toʻgʻrisida qaror qabul qildi.
Senatning yalpi majlisi kun tartibiga Oʻzbekiston Respublikasining bir qator qonunlari hamda mamlakatimizda olib borilayotgan islohotlarning samaradorligini tubdan oshirishga, 2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Faol tadbirkorlik, innovatsion gʻoyalar va texnologiyalarni qoʻllab-quvvatlash yili”da amalga oshirishga oid Davlat dasturini izchil ijro etishga, xalqaro hamkorlikni mustahkamlashga qaratilgan masalalar kiritilmoqda.